رواية ريم

سلااام ياحلوين سامحوني ادري البارت مو طويل بس هذا الي قدرت عليه وان شاء الله البارت الجاي بيكون اطول

"البارت العاشر"

الجد لف على البنات:وانتو
البنات خافو
الجد:برجع لكم بعد مااخلص من هالمصيبه
عبدالعزيز:أي مصيبه يبا؟انا متزوجها عادي على سنة الله ورسوله
الجد:مين بنته؟
عبدالعزيز:انا ماتزوجت غيرها احبها وابيها ومستحيل اطلقها
الجد عرفها:مجنون انت تاخذ بنت المسجون
عبدالعزيز:يبا هذي زوجتي وبعدين اذا ابوها غلط مايصير نحمل كل اهله المسؤوليه على كذا حتى احنا غلطانين
الجد:انا قلت كلمتي
عبدالعزيز:اسف يبا مااقدر اطلقها البنت حامل وانا احبها
الجد كان بيتكلم بس فهد سحب اخوه وطلعه بره وراكان لحقهم
فهد:عبدالعزيز روح الحين ابوي معصب ومايدري شيقول
عبدالعزيز:ماراح اطلقها
فهد:لاتطلقها وابوي خله علي انت بس روح الحين
راكان:عبدالعزيز روح لان جدي اذا عصب مايفكر في قراراته
عبدالعزيز تنهد:طيب
فهد:اذا ابوي هدا بكلمك عشان تجي وتكلمه وتتفاهم معاه بهدوء وانت فهمه اسبابك يمكن يقتنع
عبدالعزيز:اسبابي اني احبها وابيها
فهد:خلاص انت الحين روح واذا هدا كلمه
عبدالعزيز:طيب مع السلامه
راح عبدالعزيز وفهد لف على راكان
فهد:الله يعينا الحين ابوي معصب واكيد زادت عصبيته يوم طلعنا
راكان:الله يهديه جدي شلون يتخذ قرار مثل كذا هذا الشي حرام هم صحيح غلطو لما كملو زواجهم الي ماادري عن سالفته توني سمعت عبدالعزيز يقول
فهد:سالفته طويله بعدين اقولها لكم امش ندخل الحين قبل لاابوي يعصب
راكان:عصب وخلص
دخلو داخل
الجد:وين راح؟ليه طلعتوه؟
فهد:يبا تعوذ من ابليس شفيك عليه
الجد:متزوج بنت محمدوه وتبيني اسكت
فهد:لا يبا مو كذا خلاص الولد راح واذا رجع تفاهم معاه
الجد مارد عليه:خلاص اطلعو الحين وبعدين بجمعكم مره ثانيه وبقول قراراتي والي ماينفذها ياويله
الكل طلع متوجه لبيته

فهد اتصل على عبدالعزيز ينام عنده بالبيت
عبدالعزيز:لا ماله داعي اروح أي فندق
فهد:بلا فندق بلا بطيخ وبتجي عندي البيت
عبدالعزيز:خلاص امري لله بجي عندك
سكرو من بعض وراح عبدالعزيز لعند فهد

ريم كانت في غرفتها تكلم رائد
ريم:ليه اخذتها
رائد:خلاص بكره الصباح بجيبها لك بنفسي
ريم:حرام عليك
رائد:ليه شسويت ترى كل الي سويته اني اخذت مها وماخليتها تنام عندك يعني موذنب
ريم:صح مو ذنب بس ماشفت شكلها تعبانه حيل ومحتاجه لي
رائد:خلاص حبيبتي وعد مني اجيبها لك بكره
ريم:اوكي
رائد:متى بتروحين تطبقين؟
ريم:بكره ان شاء الله
رائد:اها في نفس المستشفى الي فيه جدتي؟
ريم:أي
رائد:حلو اشوفك بكره هناك
ريم:يمكن مااشوفك
رائد:ان شاء الله اشوفك
ريم:ان شاء الله حبيبي
رائد:حبيبتي انا بسكر الحين تبين شي
ريم:سلامتك حبي
رائد:الله يسلمك مع السلامه
ريم:مع السلامه
سكرت ريم من رائد وراحت عند راكان وعبدالعزيز بالصاله
ريم:سلام
راكان وعبدالعزيز:وعليكم السلام
ريم جلست:كيفكم ياحلوين
عبدالعزيز وراكان:تمام
دخل فهد وسلمو عليه بعدها جلس معهم
راكان:احم يبا ممكن تقول السالفه او انت عمي عبدالعزيز
عبدالعزيز:أي سالفه؟
راكان:سالفة زواجك
عبدالعزيز:أي بقولها اول شي انا تزوجت شوق بنت خالي محمد
ريم:مين خالي محمد؟
راكان:هذا صديق جدي وكان رابي مع جدتي
ريم:اها
عبدالعزيز:المهم اكمل قبل فتره تقريبا سنتين ابوي قال لي اتزوجها ورحت انا وابوي عشان املك عليها وانا الموضوع ماكان هامني بالبدايه بس لما شفتها مدري احس حبيتها واقتنعت فيها وملكنا على بعض خلاص صارت تعتبر زوجتي وابوي اجل الزواج لين بعد فتره طويله وقبل فتره تقريبا ثمان شهور دخل ابوها السجن بتهمة تجارة مخدرات وابوي من يوم عرف انه كان يتاجر بالمخدرات طلب مني اطلقها بس انا احبها حاولت اقنعه اني ابيها لكنه رفض ف كملت الزواج من غير مااقوله وقبل شهر تقريبا قالتلي انها حامل
راكان:طيب اخوانها وابوها وامها يدرون؟
عبدالعزيز:عن؟
راكان:زواجكم
عبدالعزيز:لا مايدرون اصلا بس ابوها الي عارف اني خاطبها والباقي مايدرون
فهد:ابوها للحين يدري؟
عبدالعزيز:ابوي راح له بالسجن وقال اني طلقتها بس ماادري اذا صدقه ولا لا
ريم:اها
راكان حب يغير الجو:اجل طلعت تحب من ورانا حركات وغمز له
عبدالعزيز:ههههههه
ريم ابتسمت وفهد راح غرفته
عبدالعزيز:ريوم الله لايهينك قومي سوي لي اكل جوعان
راكان:قولي للشغاله تسوي لنا أي شي حتى انا جوعان
ريم:الشغاله مو هنا
عبدالعزيز:ليه وينها؟
ريم:مدري بس هي احيانا تطلع مع زوجها وتستأذن من ابوي وهو ينسى يقول لنا
عبدالعزيز:خير أي زوج!
راكان:السواق يصير زوجها
عبدالعزيز:اها
ريم:اوكي انا بسوي لكم الاكل وش تبون؟
راكان:اوكي حبيبتي سوي لنا أي شي على ذوقك
عبدالعزيز:أي ابي اشوف ذوقك
ريم:اوكي
راحت ريم تسوي لهم اكل

عند شهد
ام سلطان:مدري
شهد:الا تدرين قوليلي شسالفه
ام سلطان:مافي سالفه والحين وخري عن وجهي
شهد:لا قولي واروح
دخل سلطان البيت
سلطان:سلام
الكل:وعليكم اسلام
سلطان:شعندكم
ام سلطان:اخذ اختك وروحو غرفكم
سلطان:شفيه؟
شهد:ابي اعرف سالفة عمي وزوجته بس مو راضيه تقول
سلطان:أي يمه ايش سالفته
دخل ابو سلطان
ام سلطان:الله جابك
ابو سلطان:خير
ام سلطان:عيالك ازعجوني من الصباح يحنون فوق راسي
ابو سلطان:شفيكم انتو!
شهد:نبي نعرف ايش سالفة شوق؟
ابو سلطان:يلا كل واحد على غرفته ومالكم شغل
سلطان وشهد حاولو يعرفون لكن ماقدرو وكل واحد راح لغرفته

في بيت ابو نايف
نايف:طيب ليه ماقال ليه ماندري
ابو نايف:انتو ماتعرفون السالفه من البدايه بس غيركم يعرفها
مها:انت تعرف السالفه يبا؟
ام نايف:انا بعد اعرفها
رائد:ليه ماقلتو لنا؟
ابو نايف:جدكم مايبي احد يدري الا بعدين
رائد:طيب وليه ماقلتو لنا مو على قولتكم الزواج صارله سنتين
ابو نايف:أي قبل سنتين واحنا صارلنا وقت نفكره طلقها
مها:وليه يطلقها؟
ابو نايف:ابوها مسجون
ام نايف:انا بروح غرفتي ارتاح
الكل راح لغرفته اما نايف رجع لبيته وعلم نوف

بعد يومين الكل عرف قصة شوق وكل يوم يزورون الجده وعبدالعزيز اليوم بيرجع يكلم ابوه بعد مايطلعون من المستشفى

في المستشفى ريم كانت مع مجموعتها تطبق ورائد يتصل عليها بس جوالها سايلنت
رائد:اففف
راكان:خير يالاخو
رائد:اختك
راكان:شفيها
رائد:ابي اعرف وينها بروح لها بس ماترد علي
راكان:اقول اهجد بس وشو تشوفها وليه ان شاء الله
رائد:اعوذ بالله عاد انا مالقيت غير اقولك انت
راكان:اذا ماتبي تقولي روح قول لاابوي
رائد عارف انه لو قال لخاله يمكن يذبحه:لا خلاص
راكان:أي ماتجي الا بالعين الحمره
رائد طنش راكان

عند شهد ومها
شهد:تخيلي نشوف ريم
مها:وناسه صراحه
شهد كانت بتتكلم بس قطع عليها صوت امها وهي تكلم الجوال
ام سلطان:والله!...الله يبشرك بالخير...حمدلله على سلامتها....يلا جايين
سكرت من اخوها ولفت على البنات والحريم
ام سلطان:امي صحت
ام نايف بفرح:الحمدلله يارب
سجدو شكر لربهم بعدين راحو عند امهم اوجدتهم
كانو كلهم عند الجده ماعدا ريم
الجده:وين ريم؟
راكان:ريم موجوده بالمستشفى بس ماتقدر تجي
الجده خافت:ليه شفيها بنيتي؟
راكان:لاتخافين ياجده بتجي بعدين
فهد:يما الله يطول لي بعمرك ريم هنا تطبق عشان بعدين بتشتغل دكتوره
الجده:الله يوفقها
الكل:امين
راكان حب يقهر رائد رفع جواله واتصل على ريم ونفس الشي ماردت لكنه مابين لهم وسوا نفسه يكلمها:الو هلا ريم...وينك؟...اي اوكي...اي معنا...ههههه معليك منه وتعالي...ادري والله ادري حاس فيك...يمــ قطع عليه كلامه صوت الباب وهو ينفتح وريم تدخل
ريم:السلام عليكم
الكل:وعليكم السلام بعدها انفقعو ضحك
راكان وهو متفشل ويبي يرقع:يوه انقطع بس توني انتبه
ريم مستغربه منهم:شفيكم؟
فهد وهو يضحك:ولاشي تعالي سلمي على جدتك
ريم لما شافتها راحت وحضنتها وماهمها احد
راكان:عيب غضو النظر
ريم تذكرت وجودهم تركت جدتها وهي منحرجه منهم بعدها سلمت عليهم كلهم وجلست عالسرير جنب جدتها وكانت تسولف معها ولاتدري عنهم
شهد:شف سحبت علينا
مها:هي الحين مع جدتي وبعدها بتشوف رائد ومن جد بتسحب علينا
شهد:مو بكيفها بناديها تجينا غصب
مها:انا مو ناويه اخلي رائد يفشلني قدامهم كلهم انتي تبين تنادينها ناديها بس تحملي الي بيجيك من راكان لان صوتك طلع قدام الشباب
شهد سكتت
ريم قامت من السرير
الجده:وين؟
ريم:بروح ارتاح بالبيت
لفت على راكان:ابي اروح البيت ارتاح
راكان:اوكي
طلعت ريم من عندهم وجلست تنتظر راكان بره شافت ريتاج ماره وقامت تسولف معها

داخل الغرفه
رائد:خلاص انا بوديها
راكان:لا
رائد:ليه؟
راكان:كذا نحاااااسه
رائد:وجع
فهد طالع رائد:ماعليك منه ياولدي وروح ودها هي صارت زوجتك الحين خلاص
رائد:مشكور خالي
قام رائد وطلع شاف ريم تكلم وحده راح بعيد عنهم شوي عشان اذا خلصت ريم يناديها لانها ماتدري انه هو الي بيوديها
ريتاج:أي بروح البيت الحين
ريم:أي حتى انا جالسه استنى راكان يطلع
ريتاج:اها بعدها شهقت
ريم:شفيك؟
ريتاج:طالعي طالعي هذاك يهبل
ريم:استغفر الله ريتاج انتي كل ماشفتي واحد خقيتي
ريتاج:بس هذا غير مدري احسه يصلح لك مو لي
ريم:ريتاج انا متزوجه عيب اجلس اطالع في الرجال واتمنى واحد منهم كذا انا اخون زوجي
ريتاج:افف طيب طيب خلاص
ريم:انا بروح للغرفه انادي راكان تاخر
لفت وانتبهت لرائد واقف بعيد
ريم:يوه هذا رائد
ريتاج:وينه؟
ريم:هذاك الي هناك
ريتاج:أي واحد
ريم:الي لابس تيشرت اسود
ريتاج:أي شفته هذا الي قلتلك شوفيه
ريم:تطالعين في زوجي يالخاينه
ريتاج عرفت انها تستهبل:هههههههه
ريم:يلا حبيبتي باي
ريتاج:باي

راحت ريم لرائد
ريم:رائد
رائد طالعها:لبيه
ريم:وين راكان؟
رائد:ماتبيني اوديك؟
ريم:لا ماقلت كذا بس استغربت
رائد ابتسم:عادي حبيبتي انتي زوجتي
ريم ابتسمت من غير ماترد

طلعو ريم ورائد متوجهين لبيت فهد

في المستشفى
الجده:متى بروح بيتي زهقت وانا هنا
راكان:هههههه امداك تزهقين توك صاحيه
الجده:انا بسرعه ازهق
الكل ضحك على راكان والجده

رائد وصل ريم وكان بينزل معها بحجة ان مافي احد لكنها قالتله ان الشغاله موجوده وهي بتنام يعني عادي حاول معها لكنها كانت مصره انه يروح

بعد ماطلع الكل من المستشفى راح عبدالعزيز لعند ابوه
عبدالعزيز:السلام عليكم
الجد:وعليكم السلام
عبدالعزيز:يبا انا اسف اعرف اني غلطت بس يا يبا والله اني احبها
الجد تنهد:انا اتخذت قراري
عبدالعزيز:يبا مااقدر اطلقها والله مااقدر
الجد:مين قال انك بتطلقها
عبدالعزيز تنح
الجد:ماراح تطلقها بتعيشون مع بعض وبنسوي لكم حفله كبيره
عبدالعزيز فرح وراح باس راس ابوه ويده:الله لايحرمني منك الله يخليك لنا
الجد يضحك عليه
طلع عبدالعزيز واتصل على شوق الي من زمان تتصل عليه لكنه مايرد عليها
شوق وصوتها متغير:الو
عبدالعزيز:الو هلا شوق
شوق سكته
عبدالعزيز:كيفك؟
شوق:يهمك؟
عبدالعزيز:اكيد حبيبتي وحشتيني
شوق سكته
عبدالعزيز:شفيك؟
شوق:ليه ماترد علي
عبدالعزيز صعب يقولها عن الي صار من قبل:حبيبتي انا ماكنت ارد على احد الفتره الي طافت
شوق:وانا أي احد؟
عبدالعزيز:لا موقصدي كذا بس كنت متضايق شوي امي بالمستشفى
شوق بصدمه:سلامتها شفيها؟
عبدالعزيز:الله يسلمك مافيها الا العافيه ان شاء الله بس هي كانت مسويه حادث
شوق:ياحياتي والحين كيفها؟
عبدالعزيز:الحمدلله احسن
شوق:حمدلله على سلامتها
عبدالعزيز:الله يسلمك
سكت شوي بعدين قال:شوق عندي لك خبر
شوق:وشو؟
عبدالعزيز:حزر فزر
شوق:هههه وشو؟
عبدالعزيز:طيب بقولك الخير هو ان ان
شوق:أي
عبدالعزيز:ان
شوق:الي بعد ان
عبدالعزيز:ماشاء الله عليك حفظتي بسرعه شطوره
شوق عصبت:عبدالعزيز قول
عبدالعزيز:هههه اعصابك ياحلو طيب بقولك الخبر ان ابوي موافق
شوق:على ايش؟
عبدالعزيز:ابوي موافق على زواجنا من بعض
شوق فرحت:جد!
عبدالعزيز:أي حبيبتي جد
شوق:طيب وابوي؟
عبدالعزيز:شفيه؟
شوق:شلون بتاخذني وابوي مايدري يعني
عبدالعزيز:لا ابوك اكيد ابوي بيكلمه
شوق:تتوقع يسمع له؟
عبدالعزيز:مدري بس ان شاء الله
شوق:ان شاء الله
عبدالعزيز:حبيبتي انا بسكر الحين لاني بدخل بيت اخوي فهد ماراح اقدر اكلمك على راحتي
شوق:اوكي حياتي
عبدالعيزيز:تامرين على شي؟
شوق:سلامتك
عبدالعزيز:الله يسلمك باي
سكر عبدالعزيز من شوق ودخل بيت فهد اخوه الي اليوم بيتجمعون عنده كلهم ماعدا الجد والجده ودخل المجلس لقى نايف وابو نايف وعلي ومشاري وابو علي وفهد
عبدالعزيز:السلام عليكم
الكل:وعليكم السلام
فهد شاف اخوه فرحان ابتسم له
علي:شعندك فرحان فرحنا معك
عبدالعزيز:ياشين القاف هانت شتبي الحين؟
علي:ابي افرح
عبدالعزيز:بتفرح ان شاء الله قريب باول مولود لكم
علي:ان شاء الله
عبدالعزيز:وين الشباب؟
فهد:طلعو شوي وبيجون

داخل عند البنات
مها:بنات شرايكم نلعب
ريم:موافقه بس خلينا نستنى رتوج تجي
شهد:بتجي؟
ريم:أي كلمتها قبل شوي وسالت امها ووافقت
شهد:اها
جلسو يسولفون بعدين جت ريتاج وسلمو عليها وسولفو معها شوي وكلمو سمر تجي جتهم سمر وسولفو معها شوي بعدين طلعو بره يلعبون

كانو لابسين
ريم:بنطلون اسود وبلوزه بيضا ورافعه شعرها ولابسه طوق ابيض حاطه كحل اسود وقلوس
شهد:بنطلون ابيض وبلوزه حمرا وحاطه قلوس
مها:بنطلون جينز وبلوزه فوشيه وحاطه كحل وقلوس
ريتاج:بلوزه بيضا وبنطلون جينز وحاطه ميك اب خفيف
سمر:بلوزه رماديه وبنطلون اسود وحاطه ميك اب خفيف

ريم:يلا وقفو انا بعد
وقفو كلهم وريم قامت تعد طلع على ريتاج
كلهم راحو يتخبون وهي قامت تعد لما خلصت قامت تدور عليهم وشافت مها ومها قامت تركض
ريتاج:وقفي
مها:لا احلفي عشان تمسكيني
ريتاج:بمسكك يعني بمسكك
مها:ماراح تقدرين
مها كانت تركض وماحست الا وهي صادمه في شخص
مها:ااا اسفه
منصور طالع فيها
مها حست فيه وراحت تركض
منصور ضحك عليها بعدين سمع رائد
رائد:بسم الله الرحمن الرحيم شفيك تضحك
منصور:ولاشي
رائد:حمدلله والشكر تعال بس ندخل داخل
دخلو رائد ومنصور وسلمو على الي ماشافوهم قبل لايطلعون
فهد:وين الباقي عنكم؟
رائد:جايين الحين
عبدالعزيز:وين كنتو؟
رائد:رحنا عند جدتي
عبدالعزيز:ليه يها شي؟تونا الصباح كنا عندها
رائد:لا مافيها شي بس رحنا لها مانبيها تجلس بروحها كثير وراكان راح مع الباقي لجدي بيودونه لها وبيرجعون
عبدالعزيز:اها
جلسو يسولفون بعدها الكل راح لبيته

"البارت الحادي عشر"

صحت ريم وراحت تطبق والباقي الي راح الجامعه والي راح شغله والي راح مدرسته


عند ريم
ريتاج تكلم ريم:ياربي شايف نفسه
ريم:مين؟
ريتاج:الدكتور
ريم ابتسمت من غير ماترد
ريتاج:بس يخقق
ريم:استغفر الله انتي مدري شفيك كل الرجال يعجبونك
ريتاج:لا بس والله هو حلو طالعيه حنطي وشعره اسود وعيونه عسليه وصوته يجنن ولا انتي رايك غير؟
ريم:ماراح ارد عليك
الدكتور احمد بصراخ:انسه ريم وانسه ريتاج احنا مو جايين نسولف هنا
ريم وريتاج طنشوه
الدكتورعصب لكن حاول يمسك اعصابه:يلا تعالو معاي نشوف مريض
راحو مع الدكتور



في الشركه
رائد طفشان اتصل على راكان اول مره مارد ثاني مره مارد ثالث مره رد،رائد بدون مقدمات:مشغول؟
راكان:افا شدعوه انا انشغل عنك حياتي
رائد يقال انه مستحي:فديتك حبيبي تعال عندي
راكان:لا حبيبتي انا عندي رجال عيب اتركهم
رائد:كاني اسمع صوت حريم عندك؟
راكان:تغارين ياقلبي
رائد:اكيد ياحياتي
راكان:هذولا الرجال جايبين زوجاتهم
رائد مسوي نفسه معصب:وانا وشو؟
راكان:لا انا اغاار عليك ماابي احد غيري يشوفك
رائد:لا انا كذا استحي حبيبي
راكان:فديت الي يستحون والله
رائد:كانك زودتها
راكان:مدري عنك مزعجني كانك زوجتي
رائد:شسوي زهقان
راكان:اخلص شغلي واجيك
رائد:اوكي
سكر رائد من راكان وجلس ينتظره يخلص شغله


عند ريم
الدكتور:خلاص بكذا نكون خلصنا اليوم،لف على ريم:لو سمحتي انسه ريم ابي اكلمك شوي بمكتبي
ريم:ليه؟
الدكتور:لوسمحتي شوي بس ماراح اخذ من وقتك كثير
ريم:اوكي
راحت ريم مع الدكتور لمكتبه وهي مستغربه


عند مها
مها:مدري يامرام اخاف يقول لرائد
مرام:وش بيقول البنت كانت تلعب وماانتبهت لي وانا ماتحركت من مكاني وجلست اطالعها وهي منصدمه ماتوقعت وجودي
مرام:صديقة مها شعرها قصير اسود حنطيه عيونها عسليه ملامحها عاديه بس شعرها يجنن
مها:مدري يمكن يكذب عليه
مرام:شلون؟
مها:يمكن يقول له اني كنت امشي بدخل المجلس ولقيتها ولما صدمتني تعلقت فيني وانا حاولت ابعدها بس ماتحركت او شي زي كذا
مرام:انتي اكيد اخوك يثق فيك ومستحيل بيصدق فيك شي
مها:ان شاء الله


في الشركه
رائد:ادخل
دخل السكرتير:طال عمرك عمي فهد يبيك في مكتبه
رائد باستغراب:يبيني!
السكرتير:أي طال عمرك
رائد:طيب خلاص روح شوي وبروح له
السكرتير:على امرك
طلع السكرتير وراح لمكتبه اما رائد راح لمكتب خاله


عند ريم
ريم بصدمه:أيـــــش
الدكتور:انا قلتلك الي عندي انتي وافقي بس
ريم سكتت
الدكتور:تكفين وافقي
ريم:عن اذنك دكتور انا تاخرت ولازم اروح
طلعت ريم من مكتب الدكتور من غير ماتقوله شي وهو طلع بعدها من المستشفى


عند شهد
شهد:ياربي زهقت وانا انتظر سلطانوه يجي لازم يتاخر
سمر:شهد تعالي معي
شهد:لا مااقدر انتي بياخذك اخوك
سمر:أي اخوي بياخذني بس مابعد يخلص دوامه
شهد:هو ايش يشتغل؟
سمر:دكتور
شهد:اها
سمر غمزت لها:تراه حلو
شهد:هههههههههههه هذاك اول الحين انا متزوجه
سمر:يوه نسيت
شهد:ههههههه
سمر:هذا هو اخوي طالعيه مزيون
شهد:ههههه روحي روحي بس
سمر:هههه باي
شهد:باي
راحت سمر مع اخوها وشهد جلست تنتظر سلطان ياخذها


عند رائد
دخل عند خاله
رائد:امر خالي بغيتني
فهد:ادخل ياولدي
دخل رائد واشر له فهد يجلس
فهد:استنى يجي راكان وبكلمكم دخل راكان:السلام عليكم
فهد ورائد:وعليكم السلام
راكان:شعندكم متجمعين؟
فهد:راكان اجلس
راح راكان وجلس
رائد يطالعه مستغرب:خالي فيه شي؟
فهد:لاتخافون بس مضطر أأجل زواجاتكم لبعد ست شهور
راكان:لييه؟
فهد تنهد:ابوي طالب هالشي
رائد:ماقال لنا شي
فهد:بكره بيجمعنا كلنا وقالي اقولكم الحين عشان بكره ماتنصدمون من قراره
راكان باستهزاء:لا فيه الخير مايقصر
فهد:عيب هذا جدك
راكان:جدي يكون يبي مصلحتي ويحترم قراري انا صحيح للحين ماحددت وقت الزواج بس انا كنت حاط في بالي اكثر من ثلاث شهور مستحيل
فهد:تفاهمو مع ابوي بكره
رائد:خلاص خالي لاتشيل هم بكره نكلم جدي
فهد:بارك الله فيكم الحين روحو لشغلكم
راكان قام وطلع اما رائد لف على خاله:عادي اروح اجيب ريم اليوم
فهد:أي ياولدي روح انا عندي شغل وبتاخر وراكان معصب روح انت
رائد:ان شاء الله يلا مع السلامه
فهد:مع السلامه



راكان طلع من مكتب ابوه وراح لسيارته وهو معصب ويفكر شلون جده يتحكم فيهم مو كفايه انه من قبل جبر ابوه على امه عشان كذا تطلقو لانهم مو متقبلين فكرة الزواج من الاساس والحين يبي يزوجهم وقت مايبي ومو بعيده يقوله يتزوج غير شهد وشهد تاخذ غيره كان يفكر ومايدري شيسوي صعب يقول لجده لا وصعب ينفذ كل الي يبيه جده تنهد وبعدها سمع صوت جواله يرن وكان رائد مارد عليه سمع صوت جواله رن بنغمة رساله قراها وكانت من رائد:راكان انا بروح اخذ ريم وانت روح ارتاح بالبيت


عند ريم
طلعت من عند الدكتور وسمعت صوت جوالها

عشقت الزين به والشين واحبه بكل مافيني من الشوق الي عاش سنين مابين حبيبي وبيني حبيبي الي سكن بالعين عليه احسد انا عيني الا ياليت لي قلبين واحبه بكل قلبيني

عرفت انه رائد ابتسمت وردت عليه
ريم:الو
رائد:هلا والله هلا وغلا
ريم:هلا فيك حبيبي
رائد:كيفك ياقلبي
ريم:تمام انتي كيفك؟
رائد:بخير دامك بخير حبيبتي
ريم:تسلم
رائد:الله يسلمك،سكت شوي بعدين قال:ريوم
ريم:سم
رائد:سم الله عدوك حبيبتي اليوم انا باخذك طلعتي الحين ولا؟
ريم:أي طلعت
رائد:اوكي قلبي ثواني واكون عندك
ريم:اوكي
رائد:مع السلامه
ريم:مع السلامه
سكرت من رائد وجاتها ريتاج
ريتاج:شكان يبغى منك
ريم باستغراب:مين
ريتاج:مين يعني احمدوه
ريم في خاطرها:اه ياريتاج لو تعرفين الي قاله بس،ابتسمت وردت:ولاشي رن جوالها وكان رائد:مع السلامه ياحلوه رائد جا
ريتاج:مع السلامه
راحت ريم وركبت مع رائد
ريم:السلام
رائد:وعليكم السلام
كان رائد يسولف مع ريم وهي تسولف معه فجاه حست بصداع قوي تحس مو قادره تتحمل بس ماتكلمت عشان رائد مايخاف عليها
رائد حس ان فيها شي لانه كان يسالها وهي ماردت عليه لف عليها:ريم
ريم ماردت ماكنت قادره تركز من الالم مو قادره تسمعه ايش يقول جالسه تفكر ايش هالصداع الغريب اول مره تصدع كذا هي صحيح داخله طب بس ماخطر على بالها شي من الي درسته ماحست الا بالي مسك ايدها وخافت لفت عليه
رائد:اسف خوفتك
ريم بدا يخف الالم الي فيها:لاعادي
رائد:فيك شي؟
ريم بابتسامه:لا
رائد بشك:متاكده؟
ريم:أي متاكده
رائد وقف السياره:وصلنا بس قبل لاتنزلين بقولك شي
ريم لفت عليه
رائد تنهد:بكره جدي بيجمعنا وتعرفين قراراته
ريم:أي
رائد:أي وفي قرار بخصوصنا لاتتضايقين من قراره
ريم:وشو؟
رائد:زواجنا بيتأجل لست شهور
ريم انصدمت المفروض زواجها الاسبوع الجاي والحين يتاجل
رائد شافها ساكته:ان شاء الله يغير رايه انتي بس لاتزعلين
ريم:ماراح ازعل لاتخاف الي ربي كاتبه بيصير
رائد ابتسم لها وهي نزلت من السياره ودخلت البيت اما هو رجع للشركه


في بيت سمر
سمر:احممممممد
احمد ضحك:ماقلت شي غلط
سمر:لاماقلت شي غــ قطع كلامها احمد الي طالعته وانصدمت بعدين فقعت ضحك وهي تشوفه طايح بالارض
سمر:عشان تعرف تتطنز علي
احمد وهو يقوم:ههههههه ماقلت شي غلط
سمر:لا والله جالس تعلق من الصبح علي يوم كنت صغيره والحين تقول ماقلت شي غلط
احمد:هههه خلاص سكتنا
سمر لفت عنه


عند شهد
رجعت البيت مع سلطان واتصلت على راكان الي جواله مغلق اتصلت على ريم الي ماردت عليها


في بيت فهد
في غرفة ريم
ريم راسها كان مصدع من قوة الصداع قامت تضرب راسها وتحس بالم مو قادره تتحمله تحس بهالحظه مالها احد نست الكل تحس ماتعرف شي تذكرت راكان ماتعرف ايش يقرب لها لكنها تعرف اسم راكان وشكله بس ماتدري مين هو تذكرت رائد تذكرت ابوها وبدت تتذكرهم كلهم ماتدري ليه فجاه نستهم بعدين تذكرتهم


في غرفة راكان
جالس يفكر أيش ممكن تكون قرارات جده وهو يفكر نام


عند علي
غاده:علي
علي:هلا
غاده:امم لو جبت بنت ايش نسميها؟
علي:البنت انتي سميها
غاده:طيب لو ولد؟
علي:بسميه على ابوي اكيد
غاده:تبي اسمي البنت على امك
علي:حبيبتي البنت سميها بالي يريحك بس الولد انا بسميه
غاده ابتسمت
علي:خلي الاسامي بعدين ليه مستعجله انتي ترى باقي
غاده:ادري بس لازم نفكر في اسم
علي:انتي الحين ارتاحي ولاتفكرين بشي
غاده:ان شاء الله


اليوم الي بعده الكل كان متجمع في بيت الجد
الجد وهو يوقف:انا قلت لكم قراراتي وانتو عليكم تنفذونها
راكان:بس ياجدي
الجد يقاطعه:انا قلت كلامي وانتو بكيفكم
راح الجد لغرفته والباقي كل واحد راح لبيته


في بيت ابو نايف
رائد:افتحي يامها
مها بين بكاها:اتركوني ماابي اكلم احد
رائد:مها حبيبتي افتحي تكفين
مها:رائد الله يخليك روح وخلني بروحي
رائد:مستحيل اخليك وانتي بهالحاله
مها عرفت انه ماراح يتحرك الا لما تفتح فتحت له الباب وجلست على السرير دخل وسكر الباب وجلس جنبها
رائد:ممكن افهم ليه الصياح هذا كله؟
مها:بيزوجوني غصب
رائد:طيب منصور مايعيبه شي
مها:ادري بس مو يغصبوني كاني رخيصه عندهم باعوني له
رائد:شدعوه حبيبتي انتي الغاليه وهو الرخيص جدي ماباعك لاحد بس هو شاف ان لازم يزوجكم لبعض
مها تنهدت
رائد:شوفي انا ناس كثير يكذبون علي ويخبون علي بس انتي مستحيل تقدرين
مها ابتسمت
رائد:واضح انك تحبينه
مها ماردت عليه كيف تقوله أي احبه خافت تقوله كذا وينهي حياتها كل الي سوته انه ظلت مبتسمه
رائد:يلا عاد عن الدلع الزايد قومي غسلي وجهك وانزلي تحت لنا
مها:كلمت ريم؟
رائد طالعها باستغراب
مها:اقصد هي الوحيده الي شكلها ماتضايقت ولاشي
رائد تذكر الي صار
الجد:زواجكم يتاجل لست شهور
راكان:اسف جدي مايصير كذا
الجد:اسكت
رائد:جدي الله يهداك مايصير كذا
الجد:كلمتي قلتها وتنفذونها من غير نقاش
رجع رائد للواقع على صوت مها تناديه
رائد طالعها
مها:وين رحت
رائد:ولا مكان
مها:مارديت علي
رائد:ماانتبهت لها والله ماشفت ردة فعل احد
مها:اها
رائد قام:يلا قومي انزلي تحت عند امي اكيد الحين خايفه عليك
مها:سألتك عني؟
رائد:أي قلتلها انا بشوفها
مها:اها
رائد:يلا انا بطلع وانتي انزلي تحت
مها:اوكي بنزل بس بغسل وجهي
رائد:طيب
طلع رائد من البيت ومها نزلت عند امها


عند شهد
شهد وهي تكلم راكان:ليه؟
راكان:مدري
شهد:لاتزعل
راكان:مازعلت بس انا من النوع الي مااحب احد يمشي علي رايه وجدي الله يهديه غصب رايه يمشي على الكل
شهد:هذا هو طبع جدي
جلسو يسولفون بعدين سكرت منه وراحت عند امها وابوها تحت اما سلطان طالع مع محمد


عند نوف
كانت تبكي
نايف:خلاص حبيبتي
نوف:مستحيل يصير هالشي
نايف:انتي اهدي الحين وان شاء الله خير
نوف:وين الخير وانت يمكن تاخذ غيري
نايف:قلتيها يمكن يعني مو اكيد
نوف:تبيني استنى لين ماتصير اكيد
نايف:يانوف ياحبيبتي ماتدرين يمكن تحملين واذا حملتي ماراح اتزوج
نوف ماردت عليه وكملت تبكي


عند ريم
كانت جالسه مع ابوها تسولف وحست بالصداع وغمضت عيونها باقوى ماعندها من الالم الي تحسه ابوها استغرب منها وراح لها
فهد:ريم حبيبتي فيك شي؟
ريم ماردت عليه
فهد خاف عليها:ريم حبيبتي ردي علي
ريم:ما مافيني شي
فهد:تبين اوديك المستشفى
ريم حاولت تقاوم الالم وفتحت عينها وهي تتالم بس تحاول ماتبين عشان ابوها سمعت جوالها يرن خذته وشافت المتصل لكنها ماردت عليه رجع اتصل مره ثانيه ونفس الشي ماردت اخذ ابوها الجوال واستغرب انها ماردت
فهد:ليه ماتردين؟
ريم:مااعرفه
فهد:وشو الي ماتعرفينه؟
ريم وهي تاشر على الجوال:هذا مااعرفه
فهد:هذا فيصل
ريم عقدت حواجبها:مـ مين فيصل؟
فهد انصدم مايدري ليه فجاه حسها ماتعرف اخوها قالها:طيب تعرفين تركي؟
ريم ماردت عليه وهي تحاول تتذكر الاسم تركي تركي وين سامعه هالاسم ياربي وين سامعته انا
فهد:طيب راكان؟
ريم جلست تفكر مين هذولا تركي وراكان وقبل شوي يقولي فيصل جلست تحاول تذكرهم بعدها لفت على ابوها مصدومه
فهد خاف:شفيك؟
ريم وهي ترجف:مـ مين انت؟
فهد فتح عيونه على الاخير من الصدمه


عند غاده
غاده:مايصير كذا
علي:هذا قرار جدي ولازم ننفذه
غاده:بس انا مااقدر اجلس بعد الولاده هنا بروح بيت اهلي لين اصير احسن بعدين برجع
علي تنهد:مابيدي شي ياقلبي


عند عبدالعزيز
كان يكلم شوق
شوق:وشو؟
عبدالعزيز:اليوم جمعنا وقال انه قرر نكمل زواجنا بس ابوك مايتدخل بينا
شوق:مافهمت عليك
عبدالعزيز:يعني نعيش حياتنا بعيد عن ابوك
شوق:هذا ابوي شلون اتركه
عبدالعزيز:ماقلت لك اتركيه
شوق:انا هذا الي فهمته من كلامك
عبدالعزيز:يعني مايتدخل في حياتنا
شوق:لاتخاف ابوي ماراح يتدخل في حياتنا
عبدالعزيز:حبيبتي لاتزعلين بس هذا هو ابوي
شوق:لا مازعلت بالعكس
عبدالعزيز سكت
شوق:حبيبي لازم اسكر الحين مع السلامه
عبدالعزيز:مع السلامه
سكرت شوق من عبدالعزيز ولفت على ريتاج وقالتلها الي صار
ريتاج:تتوقعين عمي بيوافق؟
شوق:ابوي!
ريتاج:اكيد ابوك يعني مين
شوق:مدري
ريتاج:احسه ماراح يوافق بسرعه
شوق:يمكن
ريتاج ابتسمت لها
شوق:قلتيلها؟
ريتاج:مااقدر اقولها
شوق:ليه؟
ريتاج:اخاف اخسرها
شوق:احسها طيبه ماراح تزعل
ريتاج:هي طيبه بس هالشي يزعل
شوق سكتت
ريتاج:اقول طفي النور بنام
شوق قامت وطفت النور وريتاج نامت


انتهى البارت
توقعاتكم؟