مرت سنة والعين يعشقها السهر . . . ومرت سنة والشوق باقي ما انمحى
ومرت سنة والقلب ذابحه الهجر . . . ومرت سنة والهجر عيّا ما استحى
ومرت سنة ومرت سنة وأنا أنتظر . . . ومرت سنة والوصل نايم ما صحى
ومرت سنة ما جا من الغالي خبر . . . ودارت على حّب المحبّين الرحى
ومرت سنة صابر وعذري في الصبر . . . شماتت أصحاب الشوارب واللحى
وعيونه السود وشفايفه الحمر . . . وجديل يضىفي فوق متنه لا انتحى
وصدرٍ يسد الليل عن نور القمر . . . وخدٍ يسد الصبح عن شمس الضحى
ومرت سنة واخاف لا يروح العمر . . . وأنا أنتظر والشوق باقي ما انمحى
العرض العادي
للأطفال 200
